अव्यक्त ओळी

अबोल बोल तुझे एकदा
बरेच काही बोलून गेले
डोळ्यांना न दिसणारे ते
ह्र्दय जाणून गेले

असतात काही प्रश्न असे
की ज्याचे नसते उत्तर
मी काही विचारताच जसे
होणे तुझे निरूत्तर

आठवतो तुला बरेचदा
एकटा असल्यावर
भेटशील का पुन्हा
कधी आयुष्याच्या वळणावर

मनात उसळणारे विचार
ओठावर येताच विरून जातात
शब्द वेडे मग माझे
त्यांची दिशा बदलतात

तुझ्या आठवणींचा पाऊस
एकदा मुसळधार बरसून गेला
उध्वस्त मनाचा बांध माझा
नकळत मोडून गेला

-----------------------------------------

नका समजू याला चारोळ्या
नसतील माझ्या तरी असतील
कुणाच्या तरी अव्यक्त ओळ्या